വേങ്ങര: പറപ്പൂര്‍ പുഴച്ചാല്‍ അങ്കണവാടി ജനകീയ കൂട്ടായ്മയില്‍ വൈദ്യുതീകരിച്ചു. ഗ്രാമ പഞ്ചായത്ത് ഒമ്പത് അങ്കണവാടികളുടെ വൈദ്യുതീകരണത്തിന് ഫണ്ട് വകയിരുത്തിയിരുന്നെങ്കിലും കാലതാമസം നേരിട്ടതോടെയാണ് വേങ്ങര ബ്രൈറ്റ് ഇലക്ട്രിക്കല്‍സിന്റെ സഹായത്തോടെ വയറിങ് ജോലികള്‍ പൂര്‍ത്തിയാക്കിയത്.
സമ്പൂര്‍ണ വൈദ്യുതീകരണ പദ്ധതിയില്‍ ഉള്‍പ്പെടുത്തി വൈദ്യുതിയും ലഭിച്ചു.
സ്വിച്ച് ഓണ്‍ കര്‍മം വാര്‍ഡ് മെമ്പര്‍ ഇ.കെ. റൈഹാനത്ത് നിര്‍വ്വഹിച്ചു. ചേക്കാലി മാട് യൂത്ത് വോയ്‌സ് നല്‍കിയ ഇലക്ട്രിക് ഉപകരണങ്ങള്‍ ഭാരവാഹികളില്‍ നിന്ന് വര്‍ക്കര്‍ സി.ശാന്തി ഏറ്റുവാങ്ങി. ഇ.കെ.സൈദുബിന്‍ അധ്യക്ഷനായി. ഇ കെ.സുബൈര്‍, കെ.അസീസ്, എ.കെ.ഹുസൈന്‍, സി.ഖാസിം, പി. കുഞ്ഞാലന്‍, എം.പി. സിറാജ്, പി.കെ.ഇഖ്ബാല്‍, കെ.കുഞ്ഞിമുഹമ്മദ്, കെ.റഷീദ്, എ.കെ.മുഹമ്മദലി, എന്നിവര്‍ സംസാരിച്ചു.