മാഡ്രിഡ്: ലാലിഗയില്‍ റയല്‍ മാഡ്രിഡ് കിരീടത്തോട് അടുക്കുന്നു. ലീഗില്‍ രണ്ട് ജയം കൂടി നേടിയാല്‍ റയലിന് കിരീടം സ്വന്തമാക്കാം. കഴിഞ്ഞ ദിവസം നടന്ന മത്സരത്തില്‍ അലാവസിനെയാണ് റയല്‍ മാഡ്രിഡ് തകര്‍ത്തത്. 

റാമോസ്, കാര്‍വഹാല്‍, മാര്‍സെലോ എന്നിവര്‍ ഇല്ലാതിരുന്നിട്ടും വിജയം ഉറപ്പിക്കാന്‍ റയലിനായി. 11ാം മിനുട്ടില്‍ പെനാല്‍ട്ടിയിലൂടെയായിരുന്നു റയലിന്റെ ആദ്യ ഗോള്‍. 

മെന്‍ഡിയെ വീഴ്ത്തിയതിന് ലഭിച്ച പെനാല്‍ട്ടി ബെന്‍സേമ വലയിലെത്തിക്കുകയായിരുന്നു. ര@ണ്ടാം പകുതിയില്‍ 50ാം മിനുട്ടില്‍ അസന്‍സിയോവിലൂടെ റയല്‍ ര@ണ്ടാം ഗോളും നേടി. ഈ ജയത്തോടെ റയല്‍ മാഡ്രിഡിന് 35 മത്സരങ്ങളില്‍ 80 പോയിന്റായി. 

മാര്‍സെലോയ്ക്ക് പരുക്ക്, ലാലിഗയില്‍ ഈ 

സീസണില്‍ കളിക്കില്ല

റയല്‍ മാഡ്രിഡ് താരം മാഴ്‌സലോക്ക് സീസണ്‍ നഷ്ടമാകും. ഇടം കാലിന്റെ മസിലിന് പരുക്കേറ്റ മാര്‍സെലോ മൂന്ന് ആഴ്ചയോളം പുറത്തിരിക്കും എന്നാണ് ക്ലബ് പറയുന്നത്. ഇതോടെ ലാലിഗയില്‍ ഇനി ഈ സീസണില്‍ മാര്‍സെലോ കളിക്കില്ല. നാലു മത്സരങ്ങള്‍ കൂടെ റയലിന് ലാലിഗയില്‍ ഉ@ണ്ട്. 

മാഴ്‌സലോയുടെ അഭാവം ക്ലബിനെ കാര്യമായി ബാധിക്കും. ചാംപ്യന്‍സ് ലീഗില്‍ സിറ്റിയുമായുള്ള മത്സരത്തിന് മാഴ്‌സലോ തിരിച്ചെത്തുമെന്നാണ് റിപ്പോര്‍ട്ടുകള്‍. ഗറ്റാഫെക്കെതിരേയുള്ള മത്സരത്തിനിടെയായിരുന്നു മാഴ്‌സലോക്ക് പരുക്കേറ്റത്.