പെരിന്തല്‍മണ്ണ: കോട്ടെരുമ ശല്യത്തില്‍ നാട്ടുകാര്‍ ദുരിതത്തില്‍ അങ്ങാടിപ്പുറം, പെരിന്തല്‍മണ്ണ പരിസരങ്ങളിലുള്ളവരാണ് കോട്ടെരുമകള്‍ കൂട്ടത്തോടെ വീടുകളിലെത്തി വീട്ടുകാരെ ദുരിതത്തിലാക്കുന്നത്.
കഴിഞ്ഞ ഒരാഴ്ചയായി വിവിധ പ്രദേശത്തെ വീടുകാര്‍ രാത്രി കാലങ്ങളില്‍ വെളിച്ചം കത്തിക്കാതെ കഴിയുകയാണ്. മനുഷ്യവാസസ്ഥലങ്ങളില്‍ എത്തുന്ന ഇത്തരം ജീവികള്‍. ആളുകളുടെ ചെവി, മൂക്ക് എന്നിവയിലൂടെ കയറി അപകടങ്ങള്‍ ഉണ്ടാക്കുന്നു.
വീട്ടുകാര്‍ ചെവിയും മുക്കും തുണികൊണ്ട് മൂടി കെട്ടിയാണ് ഉറങ്ങുന്നത്.
ചെറിയ കുട്ടികകൂടെ ശരീരത്തില്‍ കോട്ടരുമകള്‍ പൊള്ളല്‍ വീഴ്ത്തുന്നുണ്ട്. തമിഴ്‌നാട്ടില്‍ നിന്ന് വന്ന കോഴിവളത്തില്‍ നിന്നാണ് ഇവ ഉണ്ടാകുന്നതെന്നാണ് അറിയുന്നത്.
റബര്‍ മരങ്ങളില്‍ നിന്ന് ചൂട് കൂടുന്ന കാലത്തും ഇവ പെരുകാറുണ്ടെന്നും പറയുന്നു. കൂട്ടത്തോടെ വീടുകളില്‍ എത്തുന്ന ഇവ കുടിവെള്ളം, ഭക്ഷണപാനീയങ്ങള്‍ എന്നിവയിലും കേറുന്നത് ആരോഗ്യ പ്രശ്‌നമായിട്ടുണ്ട്.