തൊടുപുഴ: പഴേരി അന്‍സാറുല്‍ ഇസ്‌ലാം മദ്‌റസയില്‍ പ്രവേശനോത്സവം നടന്നു. 'നേരറിവ് നല്ല നാളേയ്ക്ക് ' എന്ന പ്രമേയവുമായി സംഘടിപ്പിച്ച പ്രവേശനോത്സവത്തില്‍ പഴേരി ജമാഅത്ത് പ്രസിഡന്റ് അബ്ദുല്‍ അസീസ് മൗലവി വിദ്യാര്‍ഥികള്‍ക്കു മധുരം നല്‍കി സ്വീകരിച്ചു.
ഇമാം അഷ്‌റഫ് അഷ്‌റഫി, ജമാഅത്ത് സെക്രട്ടറി കെ.ബി അബ്ദുല്‍ അസീസ്, അബ്ദുല്‍ കരീം മൗലവി, ജമാഅത്ത് ഭാരവാഹികള്‍, രക്ഷകര്‍ത്താക്കള്‍ നേതൃത്വം നല്‍കി.
അടിമാലി പത്താംമൈല്‍ നൂറുല്‍ഹുദ മദറസയില്‍ പ്രവേശനോത്സവ ചടങ്ങില്‍ നവാഗതരെ മധുരം നല്‍കിയും പൂച്ചെണ്ട് നല്‍കിയും സ്വീകരിച്ചു. തുടര്‍ന്ന് നടന്ന ദുഅ സമ്മേളനം പത്താമൈല്‍ ടൗണ്‍ ജുമാമസ്ജിദ് ഇമാം മുഹമ്മദ് സുനീര്‍ മൗലവി ഉദ്ഘടനം ചെയ്തു. സ്വീകരണ പരിപാടികള്‍ക്കും ഇമാം നേത്യത്വം നല്‍കി. അസി ഇമാം സിദ്ദീഖ് മൗലവി, വാളറ ഇമാം ഇബ്രാഹിം യൂസഫ് മൗലവി എന്നിവര്‍ പ്രസംഗിച്ചു. ജമാഅത്ത് വൈ. പ്രസിഡന്റ് എസ്.കെ മക്കാര്‍ മൗലവി ശ്രാമ്പിക്കല്‍ സ്വാഗതവും സെക്രട്ടറി അബ്ദുള്‍ വാഹിദ് നന്ദിയും പറഞ്ഞു. ജമാഅത്ത് ഭാരവാഹികളായ നിഷാദ് പാലിയത്ത്, ഇല്യാസ് ചെറിയകാല സംസരിച്ചു.