കാസര്‍ഗോഡ്: കാഞ്ഞങ്ങാട് മന്‍സൂര്‍ ആശുപത്രിയില്‍ നഴ്‌സിങ് വിദ്യാര്‍ഥിനി ആത്മഹത്യക്ക് ശ്രമിച്ചു. ഹോസ്റ്റല്‍ വാര്‍ഡനുമായുണ്ടായ തര്‍ക്കത്തിന് പിന്നാലെയാണ് മൂന്നാം വര്‍ഷ വിദ്യാര്‍ഥി ചൈതന്യ (20) ആത്മഹത്യക്ക് ശ്രമിച്ചത്. തൊട്ടുപിന്നാലെ വിദ്യാര്‍ഥികള്‍ ആശുപത്രിക്ക് മുന്നില്‍ പ്രതിഷേധം തുടങ്ങി.

ഇന്നലെ രാത്രിയാണ് സംഭവം. ഹോസ്റ്റല്‍ വാര്‍ഡന്‍ മാനസികമായി പ്രയാസപ്പെടുത്തുന്നുവെന്നാണ് വിദ്യാര്‍ഥികളുടെ ആരോപണം. ആത്മഹത്യ പ്രേരണാകുറ്റം ചുമത്തി വാര്‍ഡനെതിരെ കേസെടുക്കണമെന്ന് ആവശ്യപ്പെട്ടുള്ള പ്രതിഷേധം ഇപ്പോഴും തുടരുകയാണ്. 

അതേസമയം ചൈതന്യയെ മംഗളൂരുവിലെ ആശുപത്രിയില്‍ തീവ്രപരിചരണ വിഭാഗത്തിലേക്ക് മാറ്റിയിട്ടുണ്ട്. വിദ്യാര്‍ഥിനിയുടെ ആരോഗ്യ നില സംബന്ധിച്ച യാതൊരു വിവരവും അധികൃതര്‍ നല്‍കുന്നില്ലെന്ന ആരോപണവും ഉയരുന്നുണ്ട്. 

nursing student attempted suicide  Kanhangad