എരുമേലി; ബൈക്കുകള്‍ കൂട്ടിയിടിച്ച് ഒരാള്‍ക്ക് പരുക്കേറ്റു. മന്ദമരുതി തുണ്ടിയില്‍ ബിജുവിനാണ് (42) പരുക്കേറ്റത്.
ബിജുവിനോടൊപ്പം ബൈക്കിലുണ്ടായിരുന്ന ഭാര്യാ സഹോദരി ജോസി, ജോസിയുടെ മകള്‍ നാലു വയസുകാരി ആര്‍ജ്ജ എന്നിവര്‍ പരുക്കേല്‍ക്കാതെ രക്ഷപെട്ടു.
എരുമേലി ടി.ബി റോഡില്‍ സോണി ആശുപത്രിക്ക് സമീപത്തുവച്ച് ഇന്നലെ ഉച്ചയ്ക്ക് 12.30യോടെയാണ് അപകടം. സ്വകാര്യ ആശുപത്രിയില്‍ ചികിത്സയിലായിരുന്ന ബിജുവിന്റെ ഭാര്യയെ സന്ദര്‍ശിച്ച ഭാര്യാ സഹോദരിയെയും മകളെയും ബസ് സ്റ്റോപ്പിലെത്തിക്കാന്‍ ബൈക്കില്‍ പോകുംവഴിയായിരുന്നു അപകടം.
ആശുപത്രി കോമ്പൗണ്ടില്‍ നിന്നു പുറത്തേക്ക് ഇറങ്ങിയ ബിജുവിന്റെ ബൈക്കില്‍ അമിത വേഗത്തില്‍ എത്തിയ മറ്റൊരു ബൈക്ക് ഇടിക്കുകയായിരുന്നുവെന്ന് ദ്യക്‌സാക്ഷികള്‍ പറഞ്ഞു.