മേപ്പയ്യൂര്‍: മുസ്‌ലിം ലീഗ് വിഭാവനം ചെയ്യുന്നത് സേവനത്തിന്റെയും കാരുണ്യത്തിന്റെയും രാഷ്ട്രീയമാണെന്നും അതിന്റെ ഭാഗമാണ് നിരവധി ബൈത്തുറഹ്മകളും മറ്റു ജീവകാരുണ്യ പ്രവര്‍ത്തനങ്ങളെന്നും യൂത്ത് ലീഗ് സംസ്ഥാന പ്രസിഡന്റ് പാണക്കാട് മുനവ്വറലി ശിഹാബ് തങ്ങള്‍ പറഞ്ഞു.
അരിക്കുളം ശാഖാ മുസ്‌ലിം ലീഗ് കമ്മിറ്റി നിര്‍ധന കുടുംബത്തിന് നിര്‍മിച്ചു നല്‍കിയ ബൈത്തുറഹ്മയുടെ താക്കോല്‍ ദാനം നിര്‍വഹിച്ചു സംസാരിക്കുകയായിരുന്നു തങ്ങള്‍. സ്വാഗതസംഘം ചെയര്‍മാന്‍ എം. കുഞ്ഞായന്‍കുട്ടി അധ്യക്ഷനായി. മുതിര്‍ന്ന ലീഗ് പ്രവര്‍ത്തകന്‍ എന്‍.എം ഖാദറിനെ അന്‍സാരി തില്ലങ്കേരി ആദരിച്ചു. ഇസ്മായില്‍ വയനാട്, സിദ്ദീഖലി രാങ്ങാട്ടൂര്‍ സംസാരിച്ചു. ഉദ്ഘാടനത്തിന്റെ ഭാഗമായി നടന്ന കുടുംബസംഗമം കെ.എസ് മൗലവി ഉദ്ഘാടനം ചെയ്തു. സലാം ഫൈസി അധ്യക്ഷനായി. പഞ്ചായത്ത് അംഗം സുഹൈല്‍ അരിക്കുളം, ആയിശക്കുട്ടി ടീച്ചര്‍, സൗഫി താഴെക്കïി, കുഞ്ഞമ്മദ് റയാന്‍, സി. നാസര്‍, ലത കെ പൊറ്റയില്‍, ടി.കെ ഷുഹൈബ്, എം.എം ജമീഷ് സംസാരിച്ചു.