മുക്കം : വജ്ര ജൂബിലി ആഘോഷങ്ങളുടെ ഭാഗമായി കോഴിക്കോട് മെഡിക്കല്‍ കോളജും കാരശ്ശേരി ഗ്രാമപഞ്ചായത്തും സംയുക്തമായി അനയാംകുന്ന് സ്‌കൂളില്‍ സംഘടിപ്പിച്ച മെഗാ മെഡിക്കല്‍ ക്യാംപ് സമാപിച്ചു.
മെഡിക്കല്‍ കോളജിലെ 36 ഡിപാര്‍ട്ടുമെന്റുകളുടെ സേവനം ലഭ്യമായ ക്യാമ്പിന്റെ ഉദ്ഘാടനം ജോര്‍ജ് .എം. തോമസ് .എം.എല്‍.എ നിര്‍വ്വഹിച്ചു.
 മെഡിക്കല്‍ കോളജ് പ്രിന്‍സിപ്പല്‍ ഡോ വി.പി. ശശിധരന്‍ അദ്ധ്യക്ഷത വഹിച്ചു. ഗ്രാമപഞ്ചായത്ത് പ്രസിഡന്റ് വി.കെ വിനോദ്, മുക്കം നഗരസഭാ ചെയര്‍മാന്‍ വി. കുഞ്ഞന്‍ മാസ്റ്റര്‍ ,തിരുവമ്പാടി ഗ്രാമ പഞ്ചായത്ത് പ്രസിഡന്റ് പി.ടി അഗസ്റ്റിന്‍, വയലില്‍ മോയിമോന്‍ ഹാജി, വൈസ്. പ്രസിഡന്റ് വി.പി ജമീല, മെഡിക്കല്‍ ഓഫിസര്‍ ഡോ. മനുലാല്‍ എച്.ഐ, ബാബുരാജ്, പ്രൊഫ. സജിത്ത്കുമാര്‍, ടി.പി രാജഗോപാല്‍, മോഹന്‍ദാസ് നായര്‍, ഹംസ കണ്ണാട്ടില്‍, സജി തോമസ് ,സലിം മാസ്റ്റര്‍ വലിയപറമ്പ് സംസാരിച്ചു.