അടിമാലി: ഒരുകിലോ കഞ്ചാവുമായി ഒരാള്‍ പിടിയിലായി. തമിഴ്‌നാട് ബോഡിനായ്ക്കന്നൂര്‍ സ്വദേശിയും ഇപ്പോള്‍ ഉടുമ്പഞ്ചോല താലൂക്കിലെ കുക്കുലാര്‍ കരയില്‍ താമസക്കാരനുമായ വിജിയാണ് (37) ഉടുമ്പന്‍ചോലയില്‍ വച്ച് നാര്‍ക്കോട്ടിക് എന്‍ഫോഴ്‌സ്‌മെന്റ് ഉദ്യോഗസ്ഥരുടെ പിടിയിലായത്. ഇന്നലെ രാവിലെ 6 മണിക്കാണ് ഒരു കിലോ 50 ഗ്രാം ഗഞ്ചാവുമായി ഇയാളെ പിടികൂടിയത്. ഇയാള്‍ കമ്പം, തേനി തുടങ്ങിയ സ്ഥലങ്ങളില്‍ നിന്ന് കഞ്ചാവ് വാങ്ങി സൂക്ഷിച്ച് ടൂറിസ്റ്റുകള്‍ക്കും മറ്റും വില്‍പ്പന നടത്തുന്നയാളാണ്. 

രണ്ടു മാസത്തോളമായി ഇയാള്‍ എക്‌സൈസിന്റെ രഹസ്യ നിരീക്ഷണത്തിലായിരുന്നു. എക്‌സൈസ് സര്‍ക്കിള്‍ ഇന്‍സ്‌പെക്ടര്‍ കെ പി ജീസന്റെ നേതൃത്വത്തില്‍ നടത്തിയ റെയ്ഡില്‍ എക്‌സൈസ് ഇന്‍സ്‌പെക്ടര്‍ ജി.വിജയകുമാര്‍, പ്രിവന്റീവ് ഓഫീസര്‍മാരായ കെ വി സുകു, കെ കെ സുരേഷ്‌കുമാര്‍, ലിജോ ഉമ്മന്‍, സി ഇ ഒ മാരായ എന്‍ എന്‍ സഹദേവന്‍ പിള്ള, കെ എസ് മീരാന്‍, വി ജെ വിനോജ്, ശരത് എന്നിവരും ഉണ്ടായിരുന്നു. പ്രതിയെ നെടുങ്കണ്ടം കോടതിയില്‍ ഹാജരാക്കി റിമാന്റ് ചെയ്തു.