ആറ്റിങ്ങലല്‍: മുനിസിപ്പല്‍ ബസ് സ്റ്റാന്റിനുള്ളില്‍ സ്വകാര്യബസ് ജീവനക്കാരും പൊലിസും തമ്മില്‍ വാക്കേറ്റം. ഇന്നലെ വൈകിട്ടാണ് സംഭവം. സ്റ്റാന്‍ഡിനുള്ളില്‍ ബസ് തിരിക്കുന്നതുമായി ബന്ധപ്പെട്ട് ചില ബസുകളിലെ ജീവനക്കാര്‍ക്കെതിരേ പൊലിസ് നടപടിയെടുത്തതാണ് പ്രശ്‌നത്തിനു കാരണമായത്. ഇതേ തുടര്‍ന്നു സ്വകാര്യ ബസ് ജീവനക്കാര്‍ മിന്നല്‍ പണിമുടക്ക് നടത്തി. ആറ്റിങ്ങല്‍ ടൗണില്‍ ഏറെ നേരം ഗതാഗതം തടസപ്പെടുകയും ചെയ്തു. പിന്നീട് ആറ്റിങ്ങല്‍ സി. ഐ സുനില്‍കുമാര്‍ ഇടപെട്ട് നടത്തിയ ചര്‍ച്ചയിലാണ് പ്രശനം പരിഹരിക്കപ്പെട്ടത്. ഗതാഗത തടസവും മിന്നല്‍പണിമുടക്കും യാത്രക്കാരെ വലച്ചു.