കാളികാവ്: കനത്ത മഴയെ തുടര്‍ന്ന് മലയോരത്തെ കൃഷിയിടങ്ങളും റോഡുകളും വെള്ളത്തിനടിയിലായി.
തോടുകളും പുഴകളും കരകവിഞ്ഞൊഴുകുന്നതാണ് മലയോര മേഖലക്ക് തിരിച്ചടിയായിട്ടുള്ളത്. വാഴ, കപ്പ തുടങ്ങിയ വിളകള്‍ക്ക് കനത്ത നാശ നഷ്ടമുണ്ടായി.
കൃഷിയിടങ്ങളില്‍നിന്ന് വെള്ളം ഒഴിഞ്ഞ് പോവാത്തതിനാല്‍ വിളകളെ പ്രതികൂലമായി ബാധിക്കുമെന്നാണ് കര്‍ഷകര്‍ പറയുന്നത്. കൃഷിയിടങ്ങള്‍ക്ക് പുറമെ റോഡുകള്‍ കൂടി വെള്ളത്തിനടിയിലായത് മലയോരവാസികളുടെ ദുരിതം വര്‍ധിപ്പിച്ചിരിക്കുകയാണ്. ചെറു വഴികള്‍ മഴവെള്ളപ്പാച്ചിലില്‍ പൂര്‍ണമായും തകര്‍ന്നു.