തിരുവനന്തപുരം: സ്വപ്ന അടുത്ത സുഹൃത്താണെന്നും ഔദ്യോഗിക പരിചയമാണ് സൗഹൃദത്തിലേക്ക് മാറിയതെന്നും എം. ശിവശങ്കര്‍ കസ്റ്റംസിനു മൊഴിനല്‍കി. സ്വപ്ന വഴിയാണ് സരിത്തിനെ പരിചയപ്പെട്ടതെന്നും ചില പരിപാടികളുടെ സംഘാടനത്തിലും സരിത്ത് സഹകരിച്ചിട്ടുണ്ടെന്നും അദ്ദേഹം വെളിപ്പെടുത്തി.
പ്രതികളുമായിട്ടുള്ളത് സൗഹൃദം മാത്രമാണ്. കള്ളക്കടത്തില്‍ തനിക്ക് ഒരു പങ്കാളിത്തവും ഇല്ലെന്നും ശിവശങ്കര്‍ പറഞ്ഞു.
ഔദ്യോഗിക പദവി ദുരുപയോഗം ചെയ്ത് ഒരു കാര്യത്തിലും താന്‍ ഇടപെട്ടിട്ടില്ല. സന്ദീപ് നായരുമായി പരിചയമില്ലെന്നും ശിവശങ്കര്‍ വ്യക്തമാക്കി. ചോദ്യം ചെയ്യലിനിടയില്‍ ശിവശങ്കറിന്റെ ഫോണ്‍ കസ്റ്റംസ് കസ്റ്റഡിയിലെടുത്തു.
സ്വര്‍ണക്കടത്ത് പ്രതികളില്‍ ചിലരുമായി ശിവശങ്കര്‍ നിരന്തരം ഫോണില്‍ ബന്ധപ്പെട്ടിരുന്നു.
ഐ.ടി സെക്രട്ടറിയായി ജോലി ചെയ്തിരുന്ന സമയത്തെ ഫോണ്‍ ആണ് പിടിച്ചെടുത്തത്. നിര്‍ണായക തെളിവുകള്‍ ഈ ഫോണില്‍ ഉണ്ടെന്നു കരുതുന്നു. ഫോണ്‍ വിദഗ്ധ പരിശോധനയ്ക്ക് അയയ്ക്കും.