തിരുവനന്തപുരം: ആലപ്പുഴ തോട്ടപ്പള്ളിയില്‍ കരിമണല്‍ ഖനനത്തിനെതിരേ നടക്കുന്ന സമരങ്ങള്‍ കരിമണല്‍ കള്ളക്കടത്ത് ലോബികള്‍ക്ക് വേണ്ടിയാണെന്ന് മന്ത്രി ഇ.പി ജയരാജന്‍. കരിമണല്‍ കടത്ത് ലോബികളുടെ ഇടപെടല്‍ ഈ പ്രദേശത്ത് എല്ലാ കാലത്തും ഉണ്ടായിട്ടുണ്ടെന്നും കൊവിഡ് രോഗവ്യാപന ആശങ്ക മുന്‍നിര്‍ത്തിയെങ്കിലും സമരക്കാര്‍ പിന്‍വാങ്ങണമെന്നും മന്ത്രി വാര്‍ത്താസമ്മേളനത്തില്‍ ആവശ്യപ്പെട്ടു. 

എല്‍.ഡി.എഫ് കരിമണല്‍ ഖനനത്തിനെതിരേ നടത്തിയ സമരങ്ങള്‍ എല്ലാ കാലത്തെയും നിലപാടല്ലെന്നും ഓരോ സമയത്തും സാഹചര്യങ്ങള്‍ക്കനുസരിച്ച് നിലപാടില്‍  മാറ്റമുണ്ടാകുമെന്നും മന്ത്രി പറഞ്ഞു. സംസ്ഥാനത്ത് തുടര്‍ഭരണം ഉറപ്പാണെന്നും വിശ്വാസം ജനങ്ങളില്‍ മാത്രമാണെന്നും അദ്ദേഹം പറഞ്ഞു.