ചെറുപുഴ: കോഴിച്ചാലില്‍ വ്യാപാരി നേതാവിന് മര്‍ദനമേറ്റു. ചൊവ്വാഴ്ച രാവിലെ ഏഴരയോടെ തന്റെ കട തുറക്കാനെത്തിയ കോഴിച്ചാല്‍ യൂനിറ്റ് പ്രസിഡന്റ് മുഞ്ഞനാട്ട് തങ്കച്ചനാണ്(58) മര്‍ദനമേറ്റത്. തങ്കച്ചന്റെ ഭാര്യാ പിതാവിന്റെ വീട്ടില്‍ കിണര്‍ കുഴിക്കുന്നതു സംബന്ധിച്ച് ചോദ്യം ചെയ്ത പാലാവയല്‍ മെയ്യാലിലെ വലിയ മാര്‍ത്താങ്കല്‍ കുട്ടായി എന്ന ജോസഫ് തന്നെ മര്‍ദിക്കുകയായിരുന്നുവെന്ന് തങ്കച്ചന്‍ ചെറുപുഴ പൊലിസില്‍ നല്‍കിയ പരാതിയില്‍ പറയുന്നു. പരുക്കേറ്റ തങ്കച്ചന്‍ പയ്യന്നൂരിലെ സ്വകാര്യ ആശുപത്രിയിലാണ്. സംഭവത്തില്‍ പ്രതിഷേധിച്ച് വ്യാപാരി വ്യവസായി ഏകോപന സമിതി കോഴിച്ചാല്‍ യൂ നിറ്റ് കോഴിച്ചാല്‍ ടൗണില്‍ ചൊവ്വാഴ്ച ഉച്ചകഴിഞ്ഞ് ഹര്‍ത്താലാചരിച്ചു.