ജമൈക്ക: വെസ്റ്റിന്‍ഡീസിനെതിരായ ഒന്നാം ക്രിക്കറ്റ് ടെസ്റ്റില്‍ പാകിസ്താന്‍ വിജയത്തിലേക്ക്. വിന്‍ഡീസിന്റെ ഒന്നാം ഇന്നിങ്‌സ് 286ലും രണ്ടാം ഇന്നിങ്‌സ് 152 റണ്‍സിലും അവസാനിപ്പിച്ച പാകിസ്താന്‍ ഒന്നാം ഇന്നിങ്‌സില്‍ 407 റണ്‍സെടുത്തിരുന്നു. 32 വിജയ ലക്ഷ്യത്തിലേക്ക് ബാറ്റ് വീശുന്ന അവര്‍ ഒടുവില്‍ വിവരം കിട്ടുമ്പോള്‍ രണ്ട് വിക്കറ്റ് നഷ്ടത്തില്‍ 13 റണ്‍സെന്ന നിലയില്‍. എട്ട് വിക്കറ്റുകള്‍ കൈയിലിരിക്കേ അവര്‍ക്ക് വിജയത്തിലേക്ക് വേണ്ടത് 19 റണ്‍സ് കൂടി. നാല് റണ്‍സുമായി ബാബര്‍ അസം രണ്ട് റണ്‍സുമായി യൂനിസ് ഖാന്‍ ക്രീസില്‍.
നേരത്തെ ആറ് വിക്കറ്റുകള്‍ പിഴുത യാസിര്‍ ഷായുടെ ബൗളിങാണ് വിന്‍ഡീസിനെ രണ്ടാം ഇന്നിങ്‌സില്‍ ഒതുക്കിയത്. പാകിസ്താനായി അവസാന പരമ്പരയ്ക്കിറങ്ങിയ നായകന്‍ മിസ്ബ ഉള്‍ ഹഖിന് ഒറ്റ റണ്‍സില്‍ സെഞ്ച്വറി നഷ്ടമായി. നായകന്‍ പുറത്താകാതെ നിന്നെങ്കിലും മറ്റുള്ളവര്‍ കൂടാരം കയറിയതോടെയാണ് നേട്ടം നഷ്ടമായത്.