കല്‍പ്പറ്റ: മഹല്ലുകള്‍ ഉമ്മത്തിന്റെ കരുത്തിന് എന്ന പ്രമേയവുമായി തൃശൂര്‍ ദേശമംഗലത്ത് ഇന്നും നാളെയുമായി നടക്കുന്ന എസ്.എം.എഫ് ദേശീയ കോണ്‍ഫറന്‍സിന് ജില്ലയില്‍ നിന്നും ആയിരം പേര്‍ പങ്കെടുക്കും. മഹല്ല് പ്രസിഡന്റ്, സെക്രട്ടറി, ഖത്തീബ് എന്നിവരാണ് സംഗമത്തിന് എത്തുക. ജില്ലാ കമ്മിറ്റി തയ്യാറാക്കിയ ബസുകളിലും സ്വകാര്യ വാഹനങ്ങളിലും പുറപ്പെടുന്നവര്‍ പെരിന്തല്‍മണ്ണ, പട്ടാമ്പി വഴി ഗുരുവായൂര്‍ റൂട്ടില്‍ കൂട്ടുപാതയില്‍ നിന്ന് 10 കിലോമീറ്റര്‍ സഞ്ചരിച്ച് വൈകിട്ട് നാലിന് മുമ്പായി ദേശമംഗലം സമ്മേളന നഗരിയിലെത്തിച്ചേരണമെന്നും ഒരു ദിവസം താമസിക്കുന്നതിനാവശ്യമായ സാമഗ്രികള്‍ കരുതണമെന്നും എസ്.എം.എഫ് ജില്ലാ സെക്രട്ടറി പി.സി ഇബ്‌റാഹീം ഹാജി അറിയിച്ചു.