നടുവണ്ണൂര്‍: കാവില്‍ കല്ലിടുക്കില്‍ ജുമാമസ്ജിദ് ഉദ്ഘാടനവും മതപ്രഭാഷണവും  27, 28 തിയതികളിലായി വിവിധ പരിപാടികളോടെ നടക്കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.
പുതുക്കിപ്പണിത മസ്ജിദിന്റെ ഉദ്ഘാടനം 28നു വൈകിട്ട് നാലിന് പാണക്കാട് സയ്യിദ് ഹൈദരലി ശിഹാബ് തങ്ങള്‍ നിര്‍വഹിക്കും. 27ന് രാവിലെ ഒന്‍പതിനു നടക്കുന്ന വനിതാസംഗമം പഞ്ചായത്ത് പ്രസിഡന്റ് യശോദ തെങ്ങിട ഉദ്ഘാടനം ചെയ്യും. ജസ്മിന കൊയിലാണ്ടി മുഖ്യപ്രഭാഷണം നടത്തും.
വൈകിട്ട് മൂന്നിനു നടക്കുന്ന സൈബര്‍ സുരക്ഷാ ക്ലാസ് നാദാപുരം ഡിവൈ.എസ്.പി കെ. ഇസ്മായില്‍ ഉദ്ഘാടനം ചെയ്യും. സത്യന്‍ കാരയാട് ക്ലാസെടുക്കും. രാത്രി ഏഴിനു മതപ്രഭാഷണ പരിപാടി കെ. അബ്ദുല്‍ അസീസ് ദാരിമി ഉദ്ഘാടനം ചെയ്യും. ഉമര്‍ ഹുദവി പൂളപ്പാടം സംസാരിക്കും. 28നു മൂന്നിനു സാംസ്‌കാരിക സമ്മേളനം എം.കെ രാഘവന്‍ എം.പി ഉദ്ഘാടനം ചെയ്യും. പുരുഷന്‍ കടലുണ്ടി എം.എല്‍.എ, കെ.എസ് മൗലവി, ഇയ്യച്ചേരി കുഞ്ഞികൃഷ്ണന്‍ മാസ്റ്റര്‍ സംസാരിക്കും.
         വാര്‍ത്താ സമ്മേളനത്തില്‍ നല്ലൂര്‍ ഇബ്രാഹിംകുട്ടി ഹാജി, തെക്കയില്‍ തറുവയിക്കുട്ടി ഹാജി, സി.എം ഉമര്‍കോയ ഹാജി, ടി.എം ഇബ്രാഹിം ഹാജി, കെ.വി അമ്മോട്ടി, കെ.ടി.കെ റഷീദ്, പി. ബഷീര്‍, വി.കെ ജാബിര്‍ സംബന്ധിച്ചു.