കണ്ണൂര്‍: കേരള ശാസ്ത്ര സാഹിത്യ പരിഷത്ത് സംസ്ഥാന സമ്മേളനം 28 മുതല്‍ 30 വരെ കണ്ണൂര്‍ സെന്റ് മൈക്കിള്‍സ് ഹൈസ്‌കൂളില്‍ നടക്കും. ബംഗളൂരു ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സ് മുന്‍ ഡയറക്ടര്‍ ഡോ. പി. ബല്‍റാം ഉദ്ഘാടനം ചെയ്യും. 14 ജില്ലകളില്‍ നിന്നായി 581 പ്രതിനിധികള്‍ പങ്കെടുക്കും. 29ന് രാവിലെ ഭാരവാഹികളുടെ തെരഞ്ഞെടുപ്പും സംഘടനാരേഖയുടെ അവതരണവും നടക്കും. വൈകിട്ട് 4.30ന് ടൗണ്‍സ്‌ക്വയറിലേക്കു ശാസ്ത്ര ജാഥ നടത്തും. സമ്മേളനത്തിന് എത്തുന്നവര്‍ക്കു ഭക്ഷണം പാകംചെയ്യുന്നതിനായി ജില്ലയിലെ വിവിധയിടങ്ങളില്‍ നടത്തിയ ജൈവകൃഷിയുടെ വിളവെടുപ്പ് പൂര്‍ത്തിയായെന്നു സംഘാടകരായ കെ.വി സുമേഷ്, ടി. ഗംഗാധരന്‍, പി. മുരളീധരന്‍, കെ. വിനോദ്കുമാര്‍, എം. ദിവാകരന്‍ എന്നിവര്‍ വാര്‍ത്താസമ്മേളനത്തില്‍ അറിയിച്ചു.