റിയാദ്: സഊദി ഭരണാധികാരിയും ഇരു ഹറമുകളുടെ സേവകനുമായ  സൽമാൻ ബിൻ അബ്ദുൽ അസീസ് രാജാവിനെ വിദഗ്ധ പരിശോധനകൾക്കായി ആശുപത്രിയിൽ പ്രവേശിപ്പിച്ചു. സഊദി വാർത്താ ഏജൻസിയായ സഊദി പ്രസ് ഏജൻസിയാണ് ഇക്കാര്യം റിപ്പോർട്ട് ചെയ്തത്.  മെഡിക്കല്‍ പരിശോധനകള്‍ക്കായാണ് കിംഗ് ഫൈസല്‍ സ്‌പെഷലിസ്റ്റ് ആശുപത്രിയില്‍ പ്രവേശിപ്പിച്ചത്. 

     പിത്താശയത്തിലെ പഴുപ്പിനെ തുടര്‍ന്നാണ് രാജാവിന് മെഡിക്കല്‍ പരിശോധന നടത്തുന്നതെന്ന് റോയല്‍ കോര്‍ട്ടിനെ ഉദ്ധരിച്ച് ഔദ്യോഗിക വാര്‍ത്താ ഏജന്‍സി എസ്.പി.എ റിപ്പോർട്ടിൽ വ്യക്തമാക്കി.