കൂട്ടായി: തിരൂര്‍ കൂട്ടായിയില്‍ സി.പി.എം പ്രവര്‍ത്തകന്റെ വീടിനു നേരെ ആക്രമണം. കുറിയന്റെപുരയ്ക്കല്‍ സൈനുദ്ദീന്റെ വീടാണ് ആക്രമിസംഘം മണ്ണെണ്ണ ഒഴിച്ച് തീകൊളുത്തിയത്. ആക്രമണത്തില്‍ വീടിനുള്ളില്‍ ഉറങ്ങിക്കിടന്ന പതിനാറുകാരിയ്ക്ക് പൊള്ളലേറ്റു.

40 ശതമാനം പൊള്ളലേറ്റ കുട്ടിയെ പെരിന്തല്‍മണ്ണ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്. കുട്ടിയുടെ നിലവിളി കേട്ട് വീട്ടുകാര്‍ ഉണര്‍ന്നെത്തിയപ്പോഴേക്കും അക്രമികള്‍ ഓടിരക്ഷപ്പെട്ടു. ആക്രമണത്തിനു പിന്നില്‍ ആരാണെന്ന് വ്യക്തമല്ല.

നേരത്തെ കൂട്ടായിയിലുണ്ടായ സി.പി.എം-ലീഗ് സംഘര്‍ഷത്തിനിടെ ഇതേ വീടിനു നേരെ ആക്രമണം ഉണ്ടായിരുന്നു.