കോടഞ്ചേരി: വേനപ്പാറ ഹോളി ഫാമിലി ഹയര്‍സെക്കന്‍ഡറി സ്‌കൂള്‍ സമ്പൂര്‍ണ ഹൈടെക് സ്‌കൂള്‍ ആയി. ഹയര്‍സെക്കന്‍ഡറി വിഭാഗത്തിലെ എല്ലാ ക്ലാസ് മുറികളും ആധുനിക രീതിയില്‍ സജ്ജീകരിച്ചു. കാരാട്ട് റസാഖ് എം.എല്‍.എ ഉദ്ഘാടനം നിര്‍വഹിച്ചു.
എം.എല്‍ എ ഫണ്ടില്‍നിന്ന് അനുവദിച്ച കംപ്യൂട്ടറുകളുടെ സ്വിച്ച് ഓണ്‍ കര്‍മവും അദ്ദേഹം നിര്‍വഹിച്ചു. 2.5 ലക്ഷം രൂപയാണ് കംപ്യൂട്ടര്‍ ലാബ് വികസനത്തിനായി എം.എല്‍.എ സ്‌കൂളിന് അനുവദിച്ചത്. താമരശേരി കോര്‍പറേറ്റ് മാനേജര്‍ ഫാ.സെബാസ്റ്റ്യന്‍ പുരയിടത്തില്‍ അധ്യക്ഷനായി. പ്രിന്‍സിപ്പല്‍ വില്‍സണ്‍ ജോര്‍ജ്, പി.ടി.എ പ്രസിഡന്റ് രാജു മാളിയേക്കല്‍, ക്രിസ്റ്റല്‍ പഞ്ചായത്തുതല ചെയര്‍മാന്‍ ഷാജി കരുപ്പു കാട്ടില്‍, പ്രോഗ്രാം കമ്മറ്റി കണ്‍വീനര്‍ സണ്ണി ജോസഫ് സംസാരിച്ചു.