ചാവക്കാട്: വിവാഹ സല്‍ക്കാരത്തില്‍ പങ്കെടുത്ത് മടങ്ങവെ വീട്ടമ്മയെ കയറിപിടിച്ച കേസില്‍ യുവാവ് അറസ്റ്റില്‍.
എടക്കഴിയൂര്‍ കണ്ടംകോട്ട് മുബഷീറിനെയാണ് (21) ചാവക്കാട് പൊലിസ് അറസ്റ്റു ചെയ്തത്. കഴിഞ്ഞ 10ന് എടക്കഴിയൂരിലെ ഒരു കല്യാണവീട്ടില്‍നിന്ന് വീട്ടുകാര്‍ക്കൊപ്പം മടങ്ങുമ്പോഴാണ് പ്രതി 50കാരിയായ വീട്ടമ്മയെ കയറിപിടിച്ചത്. ചാവക്കാട് പൊലിസില്‍ പരാതിപ്പെട്ടതിനെ തുടര്‍ന്ന് എസ്.ഐ അബ്ദുല്‍ ഹക്കീമിന്റെ നേതൃത്വത്തില്‍ സി.പി.ഒ മാരായ രാംകുമാര്‍, ആഷിഷ്, അഭിജിത്ത്, മുഹമ്മദ് എന്നിവരടങ്ങിയ സംഘമാണ് യുവാവിനെ അറസ്റ്റ് ചെയ്തത്. പ്രതിയെ കോടതിയില്‍ ഹാജരാക്കി.