പള്ളിക്കല്‍: പള്ളിക്കലില്‍ ബസ്സ്റ്റാന്‍ഡില്‍ കയറാത്ത ബസുകളെ ജനകീയമായി നേരിടുമെന്ന് പള്ളിക്കല്‍ പഞ്ചായത്ത് മുസ്‌ലിം യൂത്ത് ലീഗ് ഭാരവാഹികള്‍ പറഞ്ഞു. പള്ളിക്കല്‍ ടൗണിലൂടെ കടന്നുപോകുന്ന മിക്ക ബസുകളും സ്റ്റാന്‍ഡില്‍ പ്രവേശിക്കുന്നില്ല.
ഇതുകാരണം സ്ത്രീകളും വൃദ്ധരും വിദ്യാര്‍ഥികളുമടങ്ങുന്ന യാത്രക്കാര്‍ ഏറെ പ്രയാസപ്പെടുകയാണ്. സ്റ്റാന്‍ഡില്‍ പ്രവേശിക്കാത്ത ബസുകള്‍ ടൗണില്‍ തിരക്കേറിയ ജങ്ഷനുകളില്‍ യാത്രക്കാരെ കാത്ത് കിടക്കുന്നത് മൂലം പലപ്പോഴും മണിക്കൂറുകളോളമാണ് ഗതാഗതക്കുരുക്ക് അനുഭവപ്പെടുത്തത്.
പ്രശ്‌നപരിഹാരത്തിന് വേണ്ടി നിരവധി തവണ ആര്‍.ടി.ഒ, പൊലിസ് അധികാരികള്‍ക്ക് പരാതി നല്‍കിയിട്ടും യാതൊരുവിധ നടപടിയുമുണ്ടാവാത്ത സാഹചര്യത്തിലാണ് സ്റ്റാന്‍ഡില്‍ പ്രവേശിക്കാത്ത ബസുകളെ ജനകീയമായി നേരിടാന്‍ യൂത്ത്‌ലീഗ് തീരുമാനിച്ചതെന്ന് യൂത്ത് ലീഗ് പ്രസിഡന്റ് കെ.ഇ സിറാജും ജനറല്‍ സെക്രട്ടറി മുസ്തഫ പള്ളിക്കലും പറഞ്ഞു. സ്റ്റാന്‍ഡില്‍ പ്രവേശിക്കാത്ത ബസുകളെ തടയുന്നതടക്കമുള്ള പ്രക്ഷോഭ പരിപാടികള്‍ നടത്തുന്നതിന്റെ മുന്നോടിയായി എല്ലാ ബസുകളിലെയും ജീവനക്കാര്‍ക്ക് ബസുകള്‍ സ്റ്റാന്‍ഡില്‍