വള്ളിക്കുന്ന്: കടലുണ്ടിക്കടവ് പാലത്തിലെ അനധികൃത പാര്‍ക്കിങിനെതിരേ നടപടിയെടുക്കാനാകാതെ അധികൃതര്‍. ഇത് വാഹന യാത്രക്കാരെയും മറ്റും ദുരിതത്തിലാക്കുകയാണ്.
അവധിദിനങ്ങളില്‍ പ്രകൃതി ആസ്വദിക്കാനെത്തുന്നവരും രാത്രി സമയങ്ങളില്‍ വലിയ കണ്ടയ്‌നര്‍ ലോറികളുമാണ് പാലത്തില്‍ പാര്‍ക്ക് ചെയ്യുന്നത്.

പ്രദേശം സാമൂഹ്യദ്രോഹികളുടെ താവളമാകുന്നതായും ആക്ഷേപമുണ്ട്. വര്‍ഷകാലത്ത് കടലുണ്ടി പുഴയില്‍ അടിയൊഴുക്ക് ശക്തമായതിനാല്‍ പാലത്തിലും പരിസര പ്രദേശങ്ങളിലും കൂടുതലായി സന്ദര്‍ശകരെത്തുന്നത് ആശങ്കയിലാക്കുന്നു.