കാസര്‍കോട്: കാസര്‍കോട് സി.ഐ അബ്ദുര്‍ റഹിം, വിദ്യാനഗര്‍ സി.ഐ ബാബു പെരിങ്ങോത്ത് എന്നിവര്‍ക്ക് സ്ഥലം മാറ്റം. അബ്ദുര്‍ റഹിമിനെ കാസര്‍കോട് ക്രൈംബ്രാഞ്ചിലേക്കും ബാബു പെരിങ്ങേത്തിനെ വിജിലന്‍സിലേക്കുമാണ് സ്ഥലം മാറ്റിയത്.
ക്രൈംബ്രാഞ്ച് സി.ഐ പി.എ മനോജാണ് പുതിയ കാസര്‍കോട് സി.ഐ. വിജിലന്‍സ് സി.ഐയായിരുന്ന അനിലിനെ വിദ്യാനഗര്‍ സി.ഐയായും മാറ്റിനിയമിച്ചു. കാസര്‍കോട് സി.ഐ ആയി ചുമതലയേറ്റ ശേഷം കാസര്‍കോട്ട് കുറ്റകൃത്യങ്ങള്‍ കുറയ്ക്കാനും പ്രതികളെ പിടികൂടുന്നതിനും വര്‍ഗീയ സംഘര്‍ഷങ്ങള്‍ ഇല്ലാതാക്കാനും അബ്ദുര്‍ റഹിം നടത്തിയ ഇടപെടലുകള്‍ക്കു നല്ല ജനപിന്തുണ ലഭിച്ചിരുന്നു. കാസര്‍കോട്ടും പരിസരങ്ങളിലുള്ള മണല്‍ മാഫിയ സംഘങ്ങളെ ഒതുക്കുന്നതിലും സി.ഐ ശക്തമായ നടപടികള്‍ സ്വീകരിച്ചിരുന്നു.