കഴക്കൂട്ടം: ഇടവക്കോട് ദേവീപുരത്ത്താമസിക്കുന്ന ട്രാന്‍സ്‌ജെന്‍ഡര്‍ അരുണ്‍ അരുണിമയ്ക്കും സഹോദരന്‍ ശ്യാം സ്റ്റീഫനെയും മര്‍ദിച്ച
സംഭവത്തില്‍ രണ്ട് പേരെ ശ്രീകാര്യം പൊലിസ് അറസ്റ്റ് ചെയ്തു. ഇടവക്കോട് സ്വദേശികളായ ദൈവം സുനില്‍ എന്ന് വിളിക്കുന്ന സുനില്‍ കുമാര്‍ (38) , സുജിന്‍ കുമാര്‍ (38), എന്നിവരെയാണ് അറസ്റ്റ് ചെയ്തത്.വ്യാഴാഴ്ച്ച വൈകിട്ട് 6.20 ഓടെയായിരൂന്നു സംഭവം. അരുണിമയുടെ സഹോദരിയുടെ വിവാഹവുമായി ബന്ധപ്പെട്ട പെണ്ണുകാണല്‍ നടക്കുന്ന സമയത്ത് ചടങ്ങിനെത്തിയ മറ്റൊരു ട്രാന്‍സ്‌ജെന്‍ഡര്‍ യുവതിയെ ആക്ഷേപിച്ചും തെറി പറഞ്ഞും ആക്രോശിച്ചും വന്നെത്തിയ നാലംഗ സംഘം മാണ് അരുണിമയുടെ വീട്ടില്‍ കയറി ആക്രമിച്ചത്. ശ്യാമിന് തലക്കും മുഖത്തും സാരമായ പരുക്കുപറ്റിയിട്ടുണ്ട്.
ട്രാന്‍സ്‌ജെന്‍ഡര്‍ ആയതിനാലാണ് തനിക്കും സഹോദരനും മര്‍ദനം ഏല്‍ക്കേണ്ടി വന്നതെന്നും അരുണിമ പറഞ്ഞു.
ശ്രീകാര്യം പൊലിസ് സ്ഥലത്തെത്തി മൊഴിയെടുത്തു. അരുണിമയും ശ്യാമുംമെഡിക്കല്‍ കോളജ് ആശുപത്രിയില്‍ ചികിത്സയില്‍ ആണ്.