ചെര്‍പ്പുളശ്ശേരി: കച്ചേരിക്കുന്ന് ജുമാ മസ്ജിദിനരികെ അന്ത്യവിശ്രമം കൊള്ളുന്ന സയ്യിദ് മുഹമ്മദ് സാലിമി അറബി തങ്ങള്‍ ഉപ്പാപ്പയുടെ പേരില്‍ വര്‍ഷം തോറും നടത്തി വരുന്ന ഉറൂസും ദിക്‌റ് ദുആ സമ്മേളനവും ഇന്നും നാളെയുമായി കച്ചേരിക്കുന്ന് മര്‍ഹും സി.കോയക്കുട്ടി മുസ്്‌ലിയാര്‍ നഗറില്‍നടക്കും. ഇന്ന് ജുമുഅ നിസ്‌കാരാനന്തരം മഹല്ല് പ്രസിഡന്റ് പതാക ഉയര്‍ത്തും. മഹല്ല് ഖത്തീബ് അബു സാലിഹ് അന്‍വരി മഖാം സിയാറത്തിന് നേതൃത്വം നല്‍കും. ഹക്കീം ചെര്‍പ്പുളശ്ശേരിയുടെ അധ്യക്ഷതയില്‍ രാത്രി എട്ടുമണിക്ക് നടക്കുന്ന മതപ്രഭാഷണം കോഴിക്കോട് വലിയ ഖാളി സയ്യിദ് നാസര്‍ ഹയ്യ് ശിഹാബ് തങ്ങള്‍ ഉദ്ഘാടനം ചെയ്യും. ഇബ്രാഹിം അന്‍വരിനെല്ലിപ്പറമ്പ് മുഖ്യ പ്രഭാഷണം നിര്‍വഹിക്കും. ഇഖ്ബാല്‍ ദുറാനി സ്വാഗതവും വി.എം. മുസ്ഥഫ നന്ദിയും പറയും.
നാളെ നടക്കുന്ന ദിക്‌റ് ദുആ സമ്മേളനത്തില്‍ സമസ്ത മുശാവറ അംഗം ശൈഖുനാ നെല്ലായ ഉസ്താദ് പ്രാര്‍ഥന നിര്‍വഹിക്കും. സമസ്ത ജില്ലാ പ്രസിഡന്റ് കെ.പി.സി.തങ്ങള്‍ വല്ലപ്പുഴ ഉദ്ഘാടനം ചെയ്യും.
ചെമ്പുലങ്ങാട് ഉസ്താദ് ദുആ സമ്മേളനത്തിന് നേതൃത്യം നല്‍കും.നഗരസഭാ വൈസ് ചെയര്‍മാന്‍ കെ.കെ.എ.അസീസ് മുഖ്യാതിഥിയാകും. മഹല്ല് ഖത്തീബ് സ്വാഗതവും മാനുട്ടി മാട്ടര നന്ദിയും പറയും. സമസ്തയുടെയും കീഴ്ഘടകങ്ങളുടെയും ജില്ലാ ഭാരവാഹികളും നേതാക്കളും പങ്കെടുക്കും.