കൊച്ചി: കേരള ക്രിക്കറ്റ് അസോസിയേഷന്റെ ക്രിക്കറ്റ് അക്കാദമികളിലേക്ക് പ്രവേശനത്തിനായുള്ള അപേക്ഷകള്‍ ക്ഷണിച്ചു. ആണ്‍കുട്ടികളുടെയും പെണ്‍കുട്ടികളുടെയും അക്കാദമികളില്‍ 16 വയസില്‍ താഴെയുള്ളവര്‍ക്കും, 19 വയസില്‍ താഴെയുള്ളവര്‍ക്കും രണ്ടു വിഭാഗമായാണ് തിരഞ്ഞെടുപ്പ്. തിരഞ്ഞെടുക്കപ്പെടുന്ന കുട്ടികള്‍ക്ക് ക്രിക്കറ്റ് പരിശീലനത്തോടൊപ്പം സ്‌കൂള്‍- കോളജ് വിദ്യാഭ്യാസവും നടത്താന്‍ കഴിയുന്ന രീതിയിലാണ് അക്കാദമികളുടെ പ്രവര്‍ത്തനം. ഡേവ് വാട്‌മോര്‍ മുഖ്യ ഉപദേശകനും പി. ബാലചന്ദ്രന്‍, ടിനു യോഹന്നാന്‍ എന്നിവര്‍ ഡയരക്ടര്‍മാരുമായുള്ള ഹൈ പെര്‍ഫോമന്‍സ് സെന്ററിന്റെ കീഴിലാണ് അക്കാദമികള്‍ പ്രവര്‍ത്തിക്കുക. 2019 -20 അധ്യയന വര്‍ഷം ഒന്‍പതാം ക്ലാസിലോ അതിനു താഴെയുള്ള ക്ലാസുകളിലോ പഠിക്കുന്നവര്‍ക്ക് അണ്ടര്‍ 16 വിഭാഗത്തിലേക്കും 2019-20 അധ്യയന വര്‍ഷം പ്ലസ് വണ്ണില്‍ പഠിക്കുന്ന കുട്ടികള്‍ക്ക് അണ്ടര്‍ 19 വിഭാഗത്തിലും അപേക്ഷിക്കാം. പത്ത്, പ്ലസ് ടു ക്ലാസുകളിലെ ആണ്‍കുട്ടികള്‍ക്ക് പ്രവേശനമില്ല. കൂടുതല്‍ വിവരങ്ങള്‍ക്ക് അതത് ജില്ലാ ക്രിക്കറ്റ് അസോസിയേഷന്‍ സെക്രട്ടറിമാരുമായി ബന്ധപ്പെടുകയോ ംംം.സലൃമഹമരൃശരസലമേീൈരശമശേീി.രീാ എന്ന വെബ്‌സൈറ്റ് സന്ദര്‍ശിക്കുകയോ ചെയ്യുക.