ശ്രീനഗര്‍: സംഘര്‍ഷം തുടരുന്ന കശ്മീരില്‍ പി.ഡി.പി എം.എല്‍.എയ്ക്ക് നേരെ ആക്രമണം. കല്ലേറില്‍ പരുക്കേറ്റ എം.എല്‍.എയെ സൈനിക ആസ്ഥാനത്തുള്ള ആശുപത്രിയില്‍ പ്രവേശിപ്പിച്ചു. പുല്‍വാമ എം.എല്‍.എ മുഹമ്മദ് ഖാലില്‍ ബന്ദിനു നേരെയാണ് ആക്രമണം നടന്നത്.

ഞായറാഴ്ച രാത്രി ശ്രീനഗറില്‍ നിന്ന് വരികയായിരുന്ന ബന്ദിന്റെ കാര്‍ ജനക്കൂട്ടം ആക്രമിക്കുകയായിരുന്നു. ഇതോടെ ഡ്രൈവര്‍ക്ക് കാറിന്റെ മേലുള്ള നിയന്ത്രണം നഷ്ടപ്പെടുകയും കാര്‍ മറിയുകയും ചെയ്തു.

തുടര്‍ച്ചയായ പതിനൊന്നാം ദിവസവും കശ്മീരില്‍ സംഘര്‍ഷം തുടരുകയാണ്. രണ്ട് പൊലിസുകാര്‍ ഉള്‍പ്പെടെ 40 പേരാണ് ഇതുവരെ സംഘര്‍ഷത്തില്‍ മരണപ്പെട്ടത്.