തൃശൂര്‍: ചേലക്കര പഞ്ചായത്ത് പ്രസിഡണ്ടും സി പി എം നേതാവുമായ ആര്‍ ഉണ്ണികൃഷ്ണന്‍(70) അന്തരിച്ചു. കഴിഞ്ഞ രണ്ട് മാസമായി അസുഖബാധിതനായി ചികത്സയിലായിരുന്നു. ദീര്‍ഘകാലം പൊതുമരാമത്ത് ഉദ്യോഗസ്ഥനായിരുന്ന അദ്ദേഹം സൂപ്രണ്ട് പദവിയില്‍നിന്നാണ് വിരമിച്ചത്. ചെറുപ്പത്തില്‍ പ്രതികൂല സാഹചര്യങ്ങളോട് മല്ലിട്ട് വളര്‍ന്ന അദ്ദേഹം രാഷ്ട്രീയത്തിനപ്പുറം കലാസാഹിത്യ രംഗങ്ങളില്‍ മികവ് തെളിയിച്ചിരുന്നു. ഭാര്യ: ദ്രൗപതി. മക്കള്‍ യമുന, സന്ദീപ്.