എടവണ്ണപ്പാറ: വെട്ടുപാറ സി.എച്ച് സെന്ററിന്റെ ഒന്നാം വാര്‍ഷികവും സഊദി നാഷണല്‍ കമ്മിറ്റി സെക്രട്ടറിയായിരിക്കെ മരണപ്പെട്ട കെ.വി ഗഫൂറിന്റെ നാമധേയത്തില്‍ സി.എച്ച് സെന്റര്‍ ഏര്‍പ്പെടുത്തിയ പ്രഥമ പുരസ്‌കാരദാനവും 30ന് വൈകിട്ട് ഏഴിന് വെട്ടുപാറയില്‍ നടക്കും. വഖഫ് ബോര്‍ഡ് ചെയര്‍മാന്‍ പാണക്കാട് സയ്യിദ് റഷീദലി ശിഹാബ് തങ്ങള്‍, പി.കെ കുഞ്ഞാലിക്കുട്ടി, ഇ.ടി മുഹമ്മദ് ബഷീര്‍ എം.പി, അഡ്വ.വി.വി പ്രകാശ്, ടി.വി ഇബ്രാഹീം എം.എല്‍.എ തുടങ്ങിയ പ്രമുഖര്‍ പരിപാടിയില്‍ പങ്കെടുക്കും.
പരിപാടിയുടെ ഭാഗമായി കുടുംബസംഗമം, അവാര്‍ഡ്ദാനം, അനുസ്മരണ പ്രഭാഷണം, വിഷ്വല്‍ പ്രസന്റേഷന്‍ തുടങ്ങിയവ നടക്കും. കുടുംബ സംഗമത്തില്‍ അബ്ദുസ്സമദ് പൂക്കോട്ടൂര്‍ മുഖ്യപ്രഭാഷണം നടത്തും. ഡോക്ടര്‍ എ.ശരീഫ് കുഞ്ഞാണ് കെ.വി ഗഫൂര്‍ പ്രഥമ പുരസ്‌കാരത്തിന് അര്‍ഹരായത്.