റിയാദ്: സംഘര്‍ഷം നിലനില്‍ക്കുന്ന യമനില്‍ തിങ്കളാഴ്ച നടന്ന രണ്ട് കാര്‍ ബോംബ് സ്‌ഫോടനങ്ങളിലായി ഒന്‍പതു സൈനികര്‍ കൊല്ലപ്പെട്ടു. സുരക്ഷാ ചെക്ക് പോയന്റില്‍ നടന്ന സ്‌ഫോടനത്തിലാണ് ഔദ്യോഗിക സൈനിക വിഭാഗത്തിലെ പട്ടാളക്കാര്‍ കൊല്ലപ്പെട്ടത്. സമീപകാലത്ത് അല്‍ ഖൈ്വയ്ദയില്‍ നിന്നും തിരിച്ചുപിടിച്ച അല്‍ മുഖല്ല പ്രദേശത്താണ് സ്‌ഫോടനം നടന്നത്.

മുഖല്ലയില്‍ നടന്ന ആദ്യ സ്‌ഫോടനത്തിലാണ് സൈനികര്‍ കൊല്ലപ്പെട്ടതെന്ന് സര്‍ക്കാര്‍ വൃത്തങ്ങള്‍ വെളിപ്പെടുത്തി. എന്നാല്‍, രണ്ടാമത്തെ സ്‌ഫോടനത്തിന്റെ കൂടുതല്‍ വിവരങ്ങള്‍ വ്യക്തമായിട്ടില്ല. സ്‌ഫോടനത്തിന്റെ ഉത്തരവാദിത്വം ഇതുവരെ ആരും ഏറ്റെടുത്തിട്ടില്ല.