കാവനൂര്‍: മലപ്പുറം ജില്ലാ പഞ്ചായത്തിന്റെ സഹായത്തോടെ   കാവനൂര്‍ ഗവ. ഹയര്‍ സെക്കന്‍ഡറി സ്‌കുളില്‍ നടപ്പാക്കിയ സ്‌കൂള്‍ കുടിവെള്ള പദ്ധതി  ജില്ലാ പഞ്ചായത്ത് അംഗം ഇസ്മായീല്‍ മൂത്തേടം ഉദ്ഘാടനം ചെയ്തു. വേനല്‍ക്കാലത്ത് കുടിവെള്ളത്തിന് പ്രയാസം അനുഭവിക്കുന്ന സ്‌കൂളിന്റെ  ഹൈസ്‌കൂളിലും ഹയര്‍ സെക്കന്‍ഡറിയിലുമായി പഠിക്കുന്ന രണ്ടായിരത്തിലധികം കുട്ടികള്‍ക്ക് സഹായകരമായ പദ്ധതിയാണിത്. ജില്ലാ പഞ്ചായത്ത് അനുവദിച്ച 4 ലക്ഷം രൂപ കൊണ്ടാണ് പദ്ധതി യാഥാര്‍ഥ്യമാക്കിയത്.

മലപ്പുറം ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍, അരീക്കോട് ബ്ലോക്ക് പഞ്ചായത്ത് പ്രസിഡന്റ് പി.ലക്ഷമി, മലപ്പുറം ജില്ലാ പഞ്ചായത്ത് വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍ വി.സുധാകരന്‍, കാവനൂര്‍ ഗ്രാമ പഞ്ചായത്ത് പ്രസിഡന്റ് വിദ്യാവതി, വൈസ് പ്രസിഡന്റ് കെ.അഹമ്മദാജി, പ്രിന്‍സിപ്പാള്‍ കെ.അബ്ദുള്ള, പ്രധാനാധ്യാപിക മായാലക്ഷ്മി, പി.ടി.എ പ്രസിഡന്റ് എം.പി സൈതലവി, കെ.പി റംല, ശിവന്‍കുട്ടി, പി.വി ഉസ്മാന്‍, സി. ചന്ദ്രന്‍, കെ.രാമന്‍ കുട്ടി, പി.പി ഇബ്രഹിം, പി.പി അലിബാപ്പു, പ്രദീപ് കുമാര്‍ സംബന്ധിച്ചു.