ഉപ്പള: മണിമുണ്ടയില്‍ യുവാവിന് വെട്ടേറ്റു. അബു(35)വിനാണ് കഴുത്തിനും കവിളിനും വെട്ടേറ്റത്. ഇയാളെ മംഗളൂരുവിലെ ആശുപത്രിയില്‍ പ്രവേശിപ്പിച്ചു. വാക്ക് തര്‍ക്കത്തിനിടെയാണ് സംഭവമെന്നാണ് സൂചന. കഴിഞ്ഞ ദിവസം രാത്രി പത്തോടെയാണ് സംഭവം.
ഉപ്പള, മണിമുണ്ട, റെയില്‍വേ സ്റ്റേഷന്‍ റോഡ് തുടങ്ങിയ ഭാഗങ്ങളില്‍ അക്രമികളുടെ വിഹാര കേന്ദ്രമായി മാറിയതായി പരാതി ഉണ്ടെങ്കിലും ഇത് പരിഹരിക്കാന്‍ അധികൃതര്‍ക്കായിട്ടില്ല.
രോഗികളെ ആശുപത്രിയിലേക്ക് കൊണ്ടുപോകാന്‍ പോലും ഈ ഭാഗത്ത് ജനങ്ങള്‍ ഭയക്കുന്ന അവസ്ഥയാണ് നിലവിലുള്ളത്.