ചെറുപുഴ: കോഴിക്കൂട്ടില്‍ കയറി കോഴിയെ വിഴുങ്ങിയ ഭീമന്‍ പെരുമ്പാമ്പിനെ വീട്ടുകാരും നാട്ടുകാരും ചേര്‍ന്ന് പിടികൂടി വനത്തിനകത്ത് വിട്ടയച്ചു. പുളിങ്ങോം കരിയക്കരയിലെ കൈതവേലി അപ്പച്ചന്റെ കൂട്ടില്‍ നിന്നാണ് ഇന്നലെ പുലര്‍ച്ചെ പെരുമ്പാമ്പിനെ പിടികൂടിയത്. കോഴി കരയുന്നത് കേട്ട് പുറത്തിറങ്ങി നോക്കിയപ്പോഴാണ് കോഴിയെ വിഴുങ്ങിയ പെരുമ്പാമ്പിനെ കണ്ടത്. ഉടന്‍ വനംവകുപ്പില്‍ വിവരമറിയിക്കുകയും നാട്ടുകാരെയും കൂട്ടി പാമ്പിനെ കെട്ടിയിടുകയുമായിരുന്നു. പിന്നീട് പാമ്പിനെ ചാക്കിലാക്കി കര്‍ണാടക വനത്തില്‍ വിട്ടു.