വടക്കാഞ്ചേരി: നഗരസഭയിലെ പുതുരുത്തി കുടിവെള്ള പദ്ധതിക്കെതിരേ സാമൂഹ്യ വിരുദ്ധരുടെ വിളയാട്ടം. നവജ്യോതി കുടിവെള്ള സമിതിയുടെ കിണറില്‍ മലമൂത്ര വിസര്‍ജനം നടത്തി.
കിണറിന്റെ ഗ്രില്‍ ഷീറ്റ് എന്നിവ മാറ്റിയാണ് സാമൂഹ്യവിരുദ്ധ പ്രവര്‍ത്തനം. 45 വീട്ടുകാര്‍ ഉപയോഗിക്കുന്ന കുടിവെള്ള പദ്ധതിയുടെ കിണറാണ് മലിനമാക്കിയത്.
ഭൂരിഭാഗം വീടുകളിലും കിണറുകള്‍ ഇല്ലാത്തതുമൂലം ജനങ്ങള്‍ വലിയ ദുരിതം അനുഭവിക്കുന്ന മേഖലയാണ് പുതുരുത്തി. സാമൂഹ്യവിരുദ്ധര്‍ക്കെതിരേ കര്‍ശനമായ നടപടികള്‍ സ്വീകരിക്കണമെന്ന് നഗരസഭ ചെയര്‍പേഴ്‌സണ്‍ ശിവപ്രിയ സന്തോഷ് ആവശ്യപ്പെട്ടു. അടിയന്തിരമായി കിണര്‍ വൃത്തിയാക്കുന്നതിന് നഗരസഭ നടപടികള്‍ സ്വീകരിച്ചതായും ശിവപ്രിയ അറിയിച്ചു.