ദേശമംഗലം: ആറങ്ങോട്ടുകരയില്‍ സി.പി.എം നേതാവിന്റെ വീടിനോട് ചേര്‍ന്ന ഷെഡ് സാമൂഹ്യ വിരുദ്ധര്‍ അഗ്‌നിക്കിരയാക്കിയതായി പരാതി.
ആറങ്ങോട്ടുകര തൃക്കോവില്‍ ക്ഷേത്രത്തിന് സമീപം താമസിക്കുന്ന കരണീംങ്ങാട്ടില്‍ ശ്രീധരന്‍നായരുടെ വീടിനോട് ചേര്‍ന്ന ഷെഡിനാണ് സാമൂഹ്യ വിരുദ്ധര്‍ തീയിട്ടത്.
വീടുപണിക്കാവശ്യമായ മരം ഉരുപ്പടികള്‍, 200 കെട്ടോളം വൈക്കോല്‍ എന്നിവ പൂര്‍ണമായും കത്തിനശിച്ചു. ഇന്നലെ പുലര്‍ച്ചെ ഷെഡില്‍ നിന്ന് തീയും പുകയും ഉയരുന്നത് യുവാക്കള്‍ കാണുകയും ഉടനെ വീട്ടുകാരെ അറിയിക്കുകയുമായിരുന്നു.
ജനവാസ മേഖലയിലേക്ക് തീ പടരാതിരുന്നതിനാലാണ് വന്‍ ദുരന്തം ഒഴിവായത്. ചെറുതുരുത്തി പൊലിസ് സ്ഥലത്തെത്തി പരിശോധന നടത്തി.