മുള്ളൂര്‍ക്കര: കുട്ടികളുടെ വളര്‍ച്ചയില്‍ ഓരോ ഘട്ടത്തിലും സമയോചിതമായ ഇടപെടലുകള്‍ നടത്തി മൂല്യാധിഷ്ഠിത ജീവിതം നയിക്കുന്ന വ്യക്തിത്വമാക്കാനാണ് സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ശ്രമിക്കുന്നതെന്നും പരീക്ഷകള്‍ കടമ്പകളല്ല ഉയര്‍ച്ചയിലേക്കുള്ള പടവുകളാണെന്നും സമസ്ത കേരള ഇസ്‌ലാം മത വിദ്യാഭ്യാസ പരീക്ഷാ ബോര്‍ഡ് ചെയര്‍മാന്‍ എം.ടി അബ്ദുല്ല മുസ്‌ലിയാര്‍ പറഞ്ഞു. സമസ്ത പൊതു പരീക്ഷ നടക്കുന്നതിന്റെ ഭാഗമായി മുള്ളൂര്‍ക്കര ഡിവിഷനിലെ മൂള്ളൂര്‍ക്കര നുസ്‌റത്തുല്‍ ഇസ്‌ലാം മദ്‌റസയിലെ പരീക്ഷാ ഹാള്‍ സന്ദര്‍ശിച്ചതിന് ശേഷം സുപ്രഭാതത്തോട് സംസാരിയ്ക്കുകയായിരുന്നു അദ്ദേഹം. സൂപ്രണ്ട് ഫസലുറഹ്മാന്‍ ഫൈസി , സയ്യിദ് എം.പി കുഞ്ഞിക്കോയ തങ്ങള്‍, കെ.എം ഉമ്മര്‍ മാസ്റ്റര്‍, ഹാഫിള് മുഈനുദ്ദീന്‍ ആറ്റൂര്‍ എന്നിവര്‍ ചേര്‍ന്ന് അബ്ദുല്ല മുസ്‌ലിയാരെ സ്വീകരിച്ചു.