വടകര: കളഞ്ഞു കിട്ടിയ വില കൂടിയ വാച്ചുകള്‍ ഉടമയെ തിരിച്ചേല്‍പ്പിച്ച് കോണ്‍ഗ്രസ് വടകര മണ്ഡലം പ്രസിഡന്റ് പി.എസ് രഞ്ജിത് കുമാര്‍ മാതൃകയായി.
കഴിഞ്ഞ ദിവസമാണ് ഇദ്ദേഹത്തിന് പഴയ ബസ് സ്റ്റാന്‍ഡില്‍നിന്ന് ഇരിങ്ങല്‍ അറബിക് കോളജിലേക്ക് പോകുന്ന ബസില്‍നിന്ന് രണ്ട് റാഡോ വാച്ചുകള്‍ ലഭിച്ചത്. ഇവ വടകര പൊലിസ് സ്റ്റേഷനിലെത്തിക്കുകയായിരുന്നു.
വാച്ചുകള്‍ തേടി ഇന്നലെയാണ് ഉടമ ഇരിങ്ങല്‍ സ്വദേശി ഉസ്മാന്‍ എത്തിയത്. പൊലിസ് സ്റ്റേഷനില്‍വച്ച് വാച്ചുകള്‍ സി.ഐയുടെ സാന്നിധ്യത്തില്‍ രഞ്ജിത്കുമാര്‍ ഉസ്മാന് കൈമാറി.