കൊടുവള്ളി: ഗവ. ഹയര്‍ സെക്കന്‍ഡറി സ്‌കൂളില്‍ ലൈറ്റ്‌നിങ് ക്ലബിന്റെ ധനസഹായത്തോടെ നവീകരിച്ച ട്രെയ്‌നിങ് ഹാളിന്റെ ഉദ്ഘാടനം കാരാട്ട് റസാഖ് എം.എല്‍.എ നിര്‍വഹിച്ചു. കൊടുവള്ളി നഗരസഭാ അധ്യക്ഷ ശരീഫാ കണ്ണാടിപ്പൊയില്‍ അധ്യക്ഷയായി.
ലൈറ്റ്‌നിങ് ക്ലബ് പ്രസിഡന്റ് കെ.കെ സുബൈര്‍ പദ്ധതി വിശദീകരിച്ചു. ഉന്നത വിജയികള്‍ക്ക് പി.ടി.എ റഹീം എം.എല്‍.എ ഉപഹാരം നല്‍കി.
വിജയോത്സവം പരിപാടി നഗരസഭാ പൊതുമരാമത്ത് സ്ഥിരംസമിതി അധ്യക്ഷന്‍ കെ. ശിവദാസന്‍ ഉദ്ഘാടനം ചെയ്തു. ഹെഡ്മാസ്റ്റര്‍ സതീഷ്‌കുമാര്‍ എം.എല്‍.എയ്ക്ക് നിവേദനം കൈമാറി. പി.ടി.എ പ്രസിഡന്റ് കെ.ടി സുനി, തങ്ങള്‍സ് മുഹമ്മദ്, സി.കെ ജലീല്‍, കെ. റഹീം, കെ. റീന, പി.കെ മുഹമ്മദ് ബഷീര്‍, ഒ.ടി സുലൈമാന്‍, പി.കെ സുബൈര്‍, എം.കെ രാജന്‍ സംസാരിച്ചു.
പ്രിന്‍സിപ്പല്‍ ഐ. രാജശ്രീ സ്വാഗതവും ഇ.സി മുഹമ്മദ് നന്ദിയും പറഞ്ഞു.