മാനന്തവാടി: വാറ്റ് ചാരായം ഉണ്ടാക്കി വില്‍പ്പന നടത്തിയ മധ്യവയസ്‌ക്കനെ എക്‌സൈസ് സംഘംഅറസ്റ്റ് ചെയ്തു. തിരുനെല്ലി പുഴക്കര വെള്ളിതൂടി ഗോപാലകൃഷ്ണനെ(58)യാണ് നാല് ലിറ്റര്‍ വാറ്റ് ചാരായവുമായി ഏക്‌സൈസ് സംഘം പിടിക്കൂടിയത്.
ഇന്നലെ ഉച്ചക്ക് ഒന്നോടെ വീടിന് സമീപം ചാരായം വില്‍പ്പന നടത്തുന്നതിനിടയിലാണ് ഗോപാലകൃഷ്ണന്‍ പിടിയിലായത്. പ്രദേശവാസികള്‍ നല്‍കിയ പരാതിയുടെ അടിസ്ഥാനത്തില്‍ ഏക്‌സൈസ് സംഘം നടത്തിയ പരിശോധനയിലാണ് ഇയാളെ പിടിക്കൂടിയത്.
പ്രിവന്റീവ് ഓഫിസര്‍ കെ.പി അബ്ദുലത്തീഫ്, സി.ഒമാരായ ജിനേഷ്, പി.ആര്‍ സുരേഷ്, സി ദീപു എന്നിവര്‍ സംഘത്തിലുണ്ടായിരുന്നു. കോടതിയില്‍ ഹാജരാക്കിയ ഗോപാലകൃഷ്ണനെ റിമാന്‍ഡ് ചെയ്തു.