വടകര: നാട്ടില്‍ സമാധാനം പുലരാന്‍ വടകര ലോക്‌സഭാ മണ്ഡലം യു.ഡി.എഫ് സ്ഥാനാര്‍ഥി കെ. മുരളീധരനെ വിജയിപ്പിക്കണമെന്ന് തെരഞ്ഞെടുപ്പ് കമ്മിറ്റി ചെയര്‍മാന്‍ പാറക്കല്‍ അബ്ദുല്ല ആവശ്യപ്പെട്ടു. തെരഞ്ഞെടുപ്പിനോടനുബന്ധിച്ച് സി.പി.എം അക്രമത്തിന് കോപ്പു കൂട്ടുകയാണ്. അക്രമത്തിന് പ്രോത്സാഹനം നല്‍കുന്ന ഒരു വിധി വടകരയില്‍ ഉണ്ടാവരുതെന്നും അദ്ദേഹം ആവശ്യപ്പെട്ടു.  കാര്‍ത്തികപ്പള്ളിയില്‍ എളങ്ങോളിയില്‍ യു.ഡി.എഫ് കുടുംബ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഷക്കീല ഈങ്ങോളി അധ്യക്ഷയായി. ഒ.കെ കുഞ്ഞബ്ദുല്ല, ആയിഷ ഉമ്മര്‍, ഒ.കെ ഇബ്രാഹിം, ക്രസന്റ് അബ്ദുല്ല, പി.പി ജാഫര്‍, എ.വി അബൂബക്കര്‍ മൗലവി, വി.കെ ജസീല, പി മൊയ്തു ഹാജി, പി.കെ ഇസ്മായില്‍, കോറോത്ത് ഹസ്സന്‍, എം.കെ ഇബ്രാഹിം, എം.എം മുഹമ്മദ്, എ.കെ ഷാഹിദ്, കെ.കെ അഷ്‌ക്കര്‍, ആര്‍.കെ കുഞ്ഞബ്ദുല്ല, ഒ.കെ സത്താര്‍, കെ നൗഷാദ്, ആര്‍ പത്മനാഭന്‍ സംസാരിച്ചു.