വളാഞ്ചേരി: അത്തിപ്പറ്റയില്‍ നിര്‍മാണം പൂര്‍ത്തിയായ   ഇസ്‌ലാമിക ഗവേഷണ  കേന്ദ്രമായ ഫത്ഹുല്‍ ഫത്താഹ് സെന്ററിന്റെ ത്രിദിന സമ്മേളനത്തിന്  ഉജ്ജ്വല തുടക്കം. ഇന്നലെ  വൈകിട്ട് നാലിന് നടന്ന ആത്മീയ സദസോടെ ചടങ്ങുകള്‍ക്ക് തുടക്കമായി. പാണക്കാട് സയ്യിദ് ബഷീറലി ശിഹാബ് തങ്ങള്‍ പതാക ഉയര്‍ത്തലും പരിപാടിയുടെ ഉദ്ഘാടനവും നിര്‍വഹിച്ചു. സയ്യിദ് കെ.കെ ആബിദ് ഹുസൈന്‍ തങ്ങള്‍ അധ്യക്ഷനായി. അത്തിപ്പറ്റ മൊയ്തീന്‍കുട്ടി മുസ്‌ലിയാര്‍ ഉദ്‌ബോധന പ്രസംഗം നടത്തി. വി.പി പൂക്കോയതങ്ങള്‍ ബാ അലവി, ഓണംപിള്ളി മുഹമ്മദ് ഫൈസി പ്രഭാഷണം നടത്തി. മജ് ലിസുന്നൂറിന് ഹസ്സന്‍ സഖാഫി പൂക്കോട്ടൂര്‍ നേതൃത്വം നല്‍കി. ഹാഫിള്  മുബഷിര്‍, അബ്ദുല്‍ വാഹിദ് മുസ്‌ലിയാര്‍ അത്തിപ്പറ്റ, കെ.കെ.എസ് തങ്ങള്‍, ബാപ്പുട്ടി തങ്ങള്‍ വരമ്പനാല, സി.പി ഹംസഹാജി, മൊയ്തീന്‍കുട്ടിഹാജി, കൊളത്തൂര്‍ ടി. മുഹമ്മദ് മൗലവി, കുട്ടിഹസ്സന്‍ ദാരിമി, അബ്ദുല്‍ ഖാദിര്‍ഹാജി പല്ലാര്‍, അബ്ദുല്‍ഗഫൂര്‍ മൗലവി അബൂദബി, അബ്ദുല്‍ജലീല്‍ ഹാജി ദുബൈ, അബ്ദുല്‍ ഹമീദ് റഹീമി, യു.ഷാഫി ഹാജി, പി.പി കുഞ്ഞിപ്പ പൂക്കാട്ടിരി സംസാരിച്ചു.
 ഇന്ന് രാവിലെ 5.30ന് ആസിഫ് ദാരിമി പുളിക്കലിന്റെ നേതൃത്വത്തില്‍ ഉല്‍ബോധന പ്രസംഗം നടക്കും.
ഒന്‍പതിന് 'ഉസ്‌വത്തുന്‍ ഹസന' സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. സിംസാറുല്‍ഹഖ് ഹുദവി, മുനീര്‍ ഹുദവി വിളയില്‍ പ്രഭാഷണം നടത്തും.
മൂന്നിന് 'സച്ചരിതരോടൊപ്പം' പരിപാടി സയ്യിദ് സാദിഖലി ശിഹാബ് തങ്ങള്‍ ഉദ്ഘാടനം ചെയ്യും. നൗഷാദ് ബാഖവി ചിറയിന്‍കീഴ് പ്രഭാഷണം നടത്തും. ഏഴിന് 'ആത്മീയം' പരിപാടി അബ്ദുസ്സമദ് സമദാനി ഉദ്ഘാടനം ചെയ്യും. സയ്യിദ് റഷീദലി ശിഹാബ്തങ്ങള്‍, ജലീല്‍ റഹ്മാനി വാണിയന്നൂര്‍ സംസാരിക്കും.