തൊടുപുഴ: ഇടുക്കി ജില്ലയില്‍ ശക്തമായ മഴയില്‍ പലയിടത്തും ഉരുള്‍ പൊട്ടല്‍. പീരുമേട്ടിലും മേലേ ചിന്നാറിലുമായാണ് ഉരുള്‍പൊട്ടലുണ്ടായത്.
ഉരുള്‍പൊട്ടലില്‍ ആളപായമില്ലെങ്കിലും ഏലപ്പാറയില്‍ മലവെള്ളപ്പാച്ചിലില്‍ ഒഴുക്കില്‍പെട്ട് കാര്‍ ഒലിച്ചുപോയി. കാറിലുണ്ടായിരുന്ന രണ്ടുപേരെ കാണാതായി. മലവെള്ളപ്പാച്ചിലില്‍ കാര്‍ പാലൊഴുകുംപാറ വെള്ളച്ചാട്ടത്തിലേക്ക് ഒലിച്ചുപോയതായി സംശയിക്കുന്നതായാണ് പരിസരവാസികള്‍ പറയുന്നത്. കൂടുതല്‍ വിവരങ്ങള്‍ അറിവായിട്ടില്ല.