..

മഞ്ചേരി: ഇന്നലെ നിര്യാതനായ മഞ്ചേരി പയ്യനാട് തോട്ടുപൊയില്‍ മുഹമ്മദ് ഫൈസി എന്ന മാനുട്ടി മുസ്‌ലിയാരുടെ മരണം നാടിനു നൊമ്പരമായി. ദീനീ സേവന രംഗത്ത് സജീവ സാനിധ്യമായി നിലകൊണ്ട അദ്ദേഹത്തിന്റെ നിര്യാണം നാടിനു തീരാ നഷ്ടമായി. കൊടുവള്ളി സിറാജുല്‍ഹുദാ അറബിക് കോളജ് ,കാന്തപുരം അസീസീയ്യ കോളജ്, ചെമ്മാട്, കോടമ്പുഴ, പുതുപ്പറമ്പ്, പൊന്മള, കൂരിയാട്, പുളിയക്കോട്, ആക്കപറമ്പ്, അരിമ്പ്ര, ഒളവട്ടൂര്‍ പനച്ചിപ്പള്ളിയാളി എന്നീ സ്ഥലങ്ങളില്‍ ഖതീബും മുദരിസുമായി സേവനം ചെയ്ത അദ്ദേഹം വൈജ്ഞാനിക രംഗത്തു നിരവധി പ്രതിഭകള്‍ക്കു അറിവു പകര്‍ന്നു നല്‍കിയിട്ടുണ്ട്. നിര്യാണ വാര്‍ത്തയറിഞ്ഞ് സഹപ്രവര്‍ത്തകരും വിദ്യാര്‍ഥികളും ഇന്നലെ പയ്യനാട്ടെ അദ്ദേഹത്തിന്റെ വസതിയിലെത്തി ജനാസ സന്ദര്‍ശിച്ചു.