കൂറ്റനാട്: ചിരപരിതമായ വഴികളിലൂടെ തിരൂര്‍ മണ്ഡലത്തില്‍ ഇ.ടിയുടെ പര്യടനം. രണ്ട് തവണ സംസ്ഥാന വിദ്യാഭ്യാസ വകുപ്പ് മന്ത്രിയായിരുന്നപ്പോളടക്കം മൂന്ന് തവണ തിരൂരില്‍ നിന്നുള്ള നിയമസഭാ അംഗമായിരുന്നു ഇ.ടി മുഹമ്മദ് ബഷീര്‍. രാവിലെ പുത്തനത്താണിയില്‍ നിന്നാണ് യു.ഡി.എഫ് സ്ഥാനാര്‍ഥി പര്യടനം ആരംഭിച്ചത്. ആതവനാട്, വളവന്നൂര്‍, കല്‍പകഞ്ചേരി, തലക്കാട്, വെട്ടം പഞ്ചായത്തുകളിലും തിരൂര്‍ നഗരസഭയിലും പര്യടനം നടത്തി. സി. മമ്മൂട്ടി എം.എല്‍.എ, അഡ്വ. എന്‍. ഷംസുദ്ദീന്‍ എം.എല്‍.എ, മുസ്‌ലിം ലീഗ് സംസ്ഥാന വൈസ് പ്രസിഡന്റ് സി.പി ബാവ ഹാജി, സെക്രട്ടറി അബ്ദുറഹ്മാന്‍ രണ്ടത്താണി, കുറുക്കോളി മൊയ്തീന്‍, സി. മുഹമ്മദാലി, വെട്ടം ആലിക്കോയ, പി. സെയ്തലവി മാസ്റ്റര്‍, അഡ്വ. ഫൈസല്‍ ബാബു തിരൂര്‍, പി.വി സമദ്, എം.പി മജീദ് സ്ഥാനാര്‍ഥിയെ അനുഗമിച്ചു.