ന്യൂഡല്‍ഹി: യോഗി ആദിത്യനാഥിന്റെ മുസ്‌ലിം ലീഗിനെതിരായ വിദ്വേഷം ജനിപ്പിക്കുന്ന ട്വീറ്റുകള്‍ ട്വിറ്റര്‍ നീക്കം ചെയ്തു. യോഗി ആദിത്യനാഥിനെ കൂടാതെ വിവിധ സംഘ്പരിവാര്‍ നേതാക്കളുടെ ലീഗ് വിരുദ്ധ ട്വീറ്റുകളും നീക്കം ചെയ്തിട്ടുണ്ട്. രാജ്യ വിഭജനത്തിന് കാരണമായ വൈറസ് ആണെന്നായിരുന്നു മുസ്‌ലിംലീഗിനെ ട്വിറ്ററില്‍ യോഗി ആദിത്യനാഥ് വിശേഷിപ്പിച്ചത്.

വര്‍ഗീയ പരാമര്‍ശം നടത്തിയതിന് മുസ്‌ലിം ലീഗ് കേന്ദ്ര തെരഞ്ഞടുപ്പ് കമ്മിഷന് പരാതി നല്‍കിയിരുന്നു.
ഇതേത്തുടര്‍ന്ന് മൂന്ന് ദിവസത്തേക്ക് യോഗിയെ പ്രചാരണത്തില്‍നിന്നും തെരഞ്ഞടുപ്പ് കമ്മിഷന്‍ വിലക്കിയിരുന്നു. ഇതിന് പിന്നാലെയാണ് ട്വീറ്റുകള്‍ മരവിപ്പിക്കാനുള്ള തീരുമാനം തെരഞ്ഞടുപ്പ് കമ്മിഷന്‍ കൈക്കൊണ്ടത്.

ബി.ജെ.പി ഐ.ടി സെല്‍ തലവന്‍ അമിത് മാളവ്യ, അകാലി ദള്‍ എം.എല്‍.എ മജീന്ദര്‍ സിങ് സിര്‍സ, അജയ് കുഷ്‌വാഹ, കോഈന മിത്ര തുടങ്ങിയവരടക്കമുള്ളവരുടെ ട്വീറ്റുകളാണ് ട്വിറ്റര്‍ നീക്കം ചെയ്തത്.