ബംഗളൂരു: കമ്പനിയുടെ പ്രവര്‍ത്തനത്തിലുള്ള നിരാശ മറച്ചുവയ്ക്കാതെ ഐ.ടി ഭീമന്‍ ഇന്‍ഫോസിസിന്റെ സിഇഒ വിശാല്‍ സിക്ക. കമ്പനിയുടെ ജൂണ്‍ ആദ്യപാദത്തിലെ പ്രവര്‍ത്തനം മോശമാണെന്നുകാട്ടി വിശാല്‍ ജോലിക്കാര്‍ക്കു കത്തെഴുതി.

1.97 ലക്ഷം വരുന്ന തന്റെ തൊഴിലാളികള്‍ക്കെഴുതിയ കത്തില്‍ കമ്പനിയുടെ ഇപ്പോഴത്തെ പ്രവര്‍ത്തനത്തില്‍ താന്‍ നിരാശനാണെന്ന് പറയുന്നു.

ആദ്യപാദത്തിലെ റവന്യൂ വളര്‍ച്ചയില്‍ ഇന്‍ഫോസിസിന്റെ നിക്ഷേപകര്‍ അതൃപ്തരാണ്. ഇതേ തുടര്‍ന്ന് കഴിഞ്ഞ വെള്ളിയാഴ്ച കമ്പനിയുടെ ഓഹരിയില്‍ ഒന്‍പതു ശതമാനത്തോളം ഇടിവു രേഖപ്പെടുത്തിയിരുന്നു.