കൊട്ടാരക്കര: മാവേലിക്കര പാര്‍ലമെന്റ് മണ്ഡലം യു.ഡി.എഫ് സ്ഥാനാര്‍ഥി കൊടിക്കുന്നില്‍ സുരേഷിന്റെ ചെങ്ങന്നൂരിലെയും മാവേലിക്കരയിലെയും 3ാം ഘട്ട സ്വീകരണ പരിപാടികള്‍ നടന്നു. ചെങ്ങന്നൂര്‍ നിയോജക മണ്ഡലത്തിലെ സ്വീകരണ പരിപാടികള്‍ക്ക് പുലിയൂര്‍ ഗ്രാമ പഞ്ചായത്തിലെ കുളിയ്ക്കാംപാലം ജങ്ഷനില്‍ നിന്ന് ആരംഭിച്ച് ചെറിയനാട്, ആല, പാണ്ടനാട്, വെണ്‍മണി, മുഴക്കുഴ, ചെങ്ങന്നൂര്‍ നഗരസഭ എന്നിവിടങ്ങളിലെ സ്വീകരണത്തിന് ശേഷം താഴത്തമ്പലത്ത് സമാപിച്ചു.
തുടര്‍ന്ന് ഉച്ചക്ക് ശേഷം മാവേലിക്കര നിയോജക മണ്ഡലത്തിലെ സ്വീകരണ പരിപാടികള്‍ കൊല്ലകടവ് ജങ്ഷനില്‍ നിന്ന് തുടക്കമായി. തട്ടാരമ്പലം, കുരുവിക്കാട്, കണ്ടിയൂര്‍ തെക്കേനട, പ്രായിക്കര, കരയാംവട്ടം, ഉമ്പര്‍നാട്, ളാഹ എന്നിവിടങ്ങളിലും സ്വീകരണ പരിപാടികളില്‍ സംബന്ധിച്ചു.
ഇന്ന് രാവിലെ കുട്ടനാട് നിയോജക മണ്ഡലത്തില്‍പ്പെട്ട വിവിധ സ്ഥലങ്ങള്‍ സന്ദര്‍ശിച്ച് പ്രധാന വ്യക്തികളെ നേരില്‍ കണ്ട് വോട്ട് അഭ്യര്‍ഥിക്കും. തുടര്‍ന്ന് സമുദായ നേതാക്കളെയും മതനേതാക്കളെയും സന്ദര്‍ശിച്ച് അനുഗ്രഹം വാങ്ങിയ ശേഷം ഉച്ചതിരിഞ്ഞ് പത്തനാപുരം നിയോജക മണ്ഡലത്തിലെ പട്ടാഴി, പട്ടാഴി വടക്കേക്കര എന്നീ മണ്ഡലങ്ങളിലെ സ്വീകരണങ്ങളില്‍ സംബന്ധിക്കും. വൈകിട്ട് 3ന് പട്ടാഴി മാര്‍ക്കറ്റില്‍ നിന്ന് സ്വീകരണ പിരപാടി ആരംഭിച്ച് മെതുകമേല്‍ സമാപിക്കും.