ദമാം: മൂന്ന് പതിറ്റാണ്ടിന്റെ പ്രവാസമവസാനിപ്പിച്ച് നാട്ടിലേക്ക് മടങ്ങുന്ന പ്രവിശ്യാ കെ എം സി സി വൈസ് പ്രസിഡന്റ ടി എം. ഹംസ തൃക്കടീരിക്ക് കിഴക്കന്‍ പ്രവിശ്യാ കെഎംസിസി യാത്രയയപ്പു നല്‍കി. 1991 ൽ സൗദിയിലെത്തിയ ടിഎം ഹംസ പാലക്കാട് ജില്ലയിലെ ഷോര്‍ണ്ണൂര്‍ തൃക്കടീരി സ്വാദേശിയാണ്. കെഎംസിസി ഖത്തീഫ് സെൻട്രൽ കമ്മിറ്റി പ്രസിഡണ്ട്, ദമാം പാലക്കാട്‌ ജില്ല കമ്മിറ്റി ചെയർമാൻ, സമസ്‌ത ഇസ്‌ലാമിക് സെന്‍റര്‍ ഖത്തീഫ്‌ സെൻട്രൽ കമ്മിറ്റി വൈസ് പ്രസിഡണ്ട് എന്നീ പദവികളില്‍ ഖത്വീഫിലെ മത സാമൂഹിക സാംസ്‌കാരിക ജീവകാരുണ്യ മേഖലകളിൽ കഴിഞ്ഞ മൂന്ന്പതിറ്റാണ്ടുകാലമായി സജീവ സാന്നിധ്യമായിരുന്നു.

    പ്രവിശ്യാ കെഎംസിസി പ്രസിഡണ്ട്മുഹമ്മദ് കുട്ടി കോഡൂര്‍ അധ്യക്ഷത വഹിച്ച യാത്രയയപ്പ് സംഗമം ഖാദി മുഹമ്മദ് കാസര്‍ഗോഡ്‌ ഉദ്ഘാടനം ചെയ്തു. സി.പി ശരീഫ് ചോലയില്‍, മാമു നിസാര്‍ കോടമ്പുഴ, ഉസ്മാന്‍ ഒട്ടുമ്മല്‍, ഖാദര്‍ മാസ്റ്റര്‍ വാണിയമ്പലം, അബ്ദല്‍ അസീസ്‌ എരുവാട്ടി, സിദ്ധീഖ് പാണ്ടികശാല, ഹമീദ് വടകര, നൗഷാദ് തിരുവനന്തപുരം, സലിം അരീക്കാട് എന്നിവര്‍ സംസാരിച്ചു. പ്രവിശ്യാ കെഎംസിസി യുടെ സ്നേഹോപഹാരം പ്രവിശ്യാ ഭാരവാഹികള്‍ സമ്മാനിച്ചു. ആലിക്കുട്ടി ഒളവട്ടൂര്‍ ആമുഖ പ്രഭാഷണവും ടി എം ഹംസ നന്ദിയും പറഞ്ഞു.